Real Madridi ka lëshuar pikë sërish në La Liga, kësaj radhe duke pësuar humbje nga Celta Vigo.

Celta ia doli që pas 19 viteve t’i arkëtojë pikët e plota midis “Santiago Bernabeut” me rezultat 0-2.

Real Madridi e nisi shumë më mirë duke krijuar dy raste përmes Jude Bellingham dhe Arda Guler, por të dy dështuan t’i finalizojnë.

“Los Blancos” ishin plotësisht dominues në këtë pjesë – ku rrezikuan edhe me Mbappe e Vinicius mirëpo larg konkretizimit.

Kur askush s’e priste, Celta krijoi një kundërsulm ku Williot Swedberg me një gol me thembër e la të shtangur Thibaut Courtois për ta zhbllokuar epërsinë (54’).

Situata për Realin veçse u përkeqësua me Fran Garcian që mori kartonin e dytë të verdhë dhe u përjashtua nga loja.

Pavarësisht që me një lojtar më pak, Reali rrezikoi sërish me Kylian Mbappen dhe Gonzalo Garcian mirëpo të dy goditjet larg tentimit.

Në fund, edhe Alvaro Carraeas u ndëshkua me karton të kuq si pasojë e dy kartonë të verdhë.

Me dy lojtarë më shumë, Celta krijoi një tjetër aksion me Swedberg që dribloi Courtois për ta vulosur fitoren (90+3’).

Reali kësisoj tani është katër pikë prapa Barcelonës, ndërsa Celta renditet në pozitën e 10-të me 19 sosh.